پنجابی۔ حبیب جالب دی شاعری

محمد افضل نے 'علاقائی زبانیں' کی ذیل میں اس موضوع کا آغاز کیا، ‏27 مارچ 2014

  1. محمد افضل

    محمد افضل رکن

    مراسلے:
    16
    جند وانگ شمع دے میری اے
    راتاں نوں جلایا جاندا اے
    دن چڑھیا بجھایا جاندا اے
    انج جشن منایا جاندا اے

    ایہہ کھیڈ اے ساری دولت دی
    دسو کی خطا اے عورت دی
    اک محلاں دے وچ راج کرے
    اک نوں نچوایا جاندا اے
    انج جشن منایا جاندا اے
    حبیب جالب​
    • پسند پسند x 1
    • شکریہ شکریہ x 1
  2. محمد افضل

    محمد افضل رکن

    مراسلے:
    16
    جالب سائیں کدی کدائیں چنگی گلّ کہہ جاندا اے
    لکھ پوجو چڑھدے سورج نوں، آخر ایہہ لہہ جاندا اے

    باجھ تیرے او دل دے ساتھی، دل دی حالت کی دساں
    کدی کدی ایہہ تھکیا راہی رستے وچّ بہہ جاندا اے

    ساندل بار وسیندیئے ہیرے وسدے رہن تیرے ہاسے
    دو پل تیرے غم دا پراہنا اکھیاں وچ رہِ جاندا اے

    ہائے دوآبے دی اوہ دنیاں جتھے محبت وسدی سی
    ہنجھو بن کے دکھ وطناں دا اکھیاں 'چوں وہِ جاندا اے

    فجرے اوہ چمکاندا ڈٹھا 'جالب' ساری دنیاں نوں
    راتیں جہڑا سیک دکھاں دے ہسّ ہسّ کے سہِ جاندا اے
    • شکریہ شکریہ x 1
  3. محمد افضل

    محمد افضل رکن

    مراسلے:
    16
    زنداناں دے در نہیں کھلھدے ہنجھوآں ہاواں نال
    سجناں ایہہ تاں کھلھنگے لوہے دیاں باہواں نال

    ویکھ زمانہ گلّ کردا اے اج ہواواں نال
    منزل تیرے ہتھ نہیں آؤنی صرف دعاواں نال

    نہ بھلّ سکیاں نہ بھلّ سکداں بیاس دے کنڈھیاں نوں
    سدا روھیگی یاد ایہناں دی میریاں ساہواں نال

    اکو رخ ہوا وچ وسیا، کوئی نہ دسیا پھیر
    ساڈا راہ بدل سکدا اے کون اداواں نال

    خوف دا سایہ ذہن اپنے دے آؤن نہ دتا کول
    دھنّ جگرا ساڈا وی 'جالب' رہے بلاواں نال
  4. محمد افضل

    محمد افضل رکن

    مراسلے:
    16
    چپّ کر منڈیا، نہ منگ روٹیاں
    کھائینگا زمانے ہتھوں نہیں تے سوٹیاں

    دڑ وٹّ کے توں کٹّ ایتھے دن چار
    صدیاں توں بھکھے لوکیں کھاندے آئے مار
    اک مکی چکّ لے، دوسری تیار

    دلاں وچ جنہاں دے محبتاں دا نور
    جان ٹھکرائے بناں کیتیاں قصور
    رہن سکھی واجداں ولیکیاں دے یار
    صدیاں توں بھکھے لوکیں کھاندے آئے مار
  5. محمد افضل

    محمد افضل رکن

    مراسلے:
    16
    نہ جاہ امریکہ نال کڑے
    ایہہ گلّ نہ دیویں ٹال کڑے

    ایہہ روس دے نال لڑاؤندا اے
    اینوے لوکاں نوں مرواؤندا اے
    سانوں تیرا بہت خیال کڑے

اس صفحے کی تشہیر